女傭打爛野，可以扣幾多錢？

近排可能多左女傭留在家中，有客人問到女傭整爛左佢一個價值$5000嘅電飯煲，問可唔可以扣佢錢？

按照勞工法例，傭員因疏忽或失職而損壞或遺失僱主之貨物、設備或財產，每次可按值扣除，但上限不可超過$300。另外，扣除工資的總額亦不可超過僱員該工資期的工資1/4。

即係話女傭整爛個電飯煲，你只可以扣佢$300。如果女傭呢個月整爛你四樣嘢都超過價值$300，而你係出緊$4700 人工，你呢個月最多只可以扣$1200。剩低果$25可以下個月再扣。

如果女傭新到職，建議僱主最好親自示範使用一次所有電器，盡量唔好用咁貴重嘅電器，以免女傭真係整壞嘅時候你扣佢錢又傷左大家嘅感情。