隔離完唔記得帶姐姐去做檢測，喺咪真係會罰$10,000 ？

近日多左人問姐姐隔離完唔記得左做測試可以點做，問係咪真係會罰$10,000

其實問題有啲奇怪，既然冇做就緊係會罰，唔係講笑架 不過關於隔離完去做測試呢個話題，金寶Sir 倒是有少少野想分享一下。

1）有僱主問關僱主咩事？是的。原則上告票是發俾女傭，的確唔太關僱主事。但如果女傭冇錢俾，一路都拖住收告票，最終又好似關僱主事。

2）近日可能有太多女傭收到告票並向領事館求助。領事館都不厭其煩，「溫馨提示」我地持牌A準要「提醒」並「促使」僱主要如時帶工人去做測試。係呢點上，似乎連A準都要負上若干責任。再推演下去，如果情況繼續惡化，最後會唔會變成領事館日後批核僱主合約時嘅考慮因素？

3）現在入境後第9及第12日都要做核酸測試，入境時隔離令會寫左邊日，如果冇做，死口唔認話冇收過隔離令同衛生署求情似乎係冇乜用。反而如果唔係遲太多日即時做返，再同佢講計錯數求情就試過冇事。

4）又有試過入境時隔離令真寫錯左個核酸測試日子，所以如果真係唔少心遲左1、2日⋯又可以自己諗諗。

5）金寶Sir試過有個case 遲左一個月，最尾都冇事不了了之⋯詳情就唔講喇，不過萬變不離其宗。

總之冇去做一定收告票，僱主們千祈唔好掉以輕心。