Campbell Sir Sharing

金寶Sir 提提你: 海外女傭來港不用搶竹篙灣酒店

金寶Sir 提提你: 海外女傭來港不用搶竹篙灣酒店呢段時間收到好多短訊查詢係咪可以幫人代訂酒店。重申我們並沒有什麼代訂服務,我們作為持牌代理亦非常反對現在嘅安排現時我們只為本公司客戶訂房,而且呢個搶房遊戲純粹係靠手快及人海戰術嘅運用,當然如果你係我們客人,我地會教授一些小技巧去提升搶房嘅成功率。所以現時情況係政府嘅安排要外傭來香港必須搶訂酒店,冤有頭債有主要打要駡唔該搵返啱果個人然而,不是所有海外女傭都需要搶竹篙灣酒店先可以來港。只係太多人聚焦搶酒店,而忽略咗呢一點。有需要嘅僱主可以向職員查詢。手快有手慢冇另外羅局長稱會考慮放寬外傭來港名額,不過杯水車薪,還是快啲搵金寶Sir 吧羅致光:考慮放寬外傭來港名額http://news.now.com/home/local/player?newsId=453242……適逢政府推出消費券計劃「於10月底前往本店請海外女傭均可享受95折優惠。」【金寶僱傭】已領有菲律賓及印尼領事館牌照。安心聘請。 2558 2499(海怡)2180 6475 (荃灣)#金寶僱傭#金寶Sir#金寶Sir提提你#外傭#女傭#工人姐姐#菲傭#印傭#請工人#女傭中心#指定申請#海外菲傭#employmentagency#directhire#processing#疫苗護照#消費劵#風假#竹篙灣檢疫中心#搶房

Read More »

金寶Sir 提提你:政府重新開放竹篙灣檢疫中心預約😎😎

金寶Sir 提提你:政府重新開放竹篙灣檢疫中心預約 政府今日(九月二十八日)宣布,由下星期一(十月四日)起重新開放大嶼山竹篙灣檢疫中心(檢疫中心)的預約系統,並於十月二十二日起在檢疫中心提供額外200個單位,即合共1 000個單位供來港工作的外籍家庭傭工(外傭)作檢疫用途。 懶人包總結: 今次政府預訂機制的更新重點有3個: 1)預約系統10月4日(星期一)早上9:00 開始重新接受預約。 2)預約系統開放當日只會接受,10月22日至10月28日(7日的房間) 3)其後每星期一早上9:00會開放下一個星期的預約檔期。(10月29日-11月4日) 按政府最新預訂機制,僱主們只需要每一個星期一早上9:00去搶房而每一次搶房的額度大約為350個。 預期新機制下搶房情況相信仍然持續。一如以往,本公司依舊會先照僱年紀比較大又對上網操作不太熟悉的客戶為先,請貴客們諒解包容 政府新聞稿原文: https://www.info.gov.hk/……/202109/28/P2021092800272.htm 祝大家各位女傭可以順利到港。 適逢政府推出消費券計劃「於10月底前往本店請海外女傭均可享受95折優惠。」 【金寶僱傭】已領有菲律賓及印尼領事館牌照。安心聘請。 2558 2499(海怡) 2180 6475 (荃灣) #金寶僱傭 #金寶Sir #金寶Sir提提你 #外傭 #女傭 #工人姐姐 #菲傭 #印傭 #請工人 #女傭中心 #指定申請 #海外菲傭 #employmentagency #directhire #processing #疫苗護照 #消費劵

Read More »

女傭姐姐離職時,機票需唔需要包行李?

好多人問究竟姐姐離職時,買果張機票需唔需要包行李。 金寶sir 提提你 其實僱傭合約並冇提到工人離職時機票需要包含行李托運,但係持牌agent會有跟當地領事館簽一份undertaking , 當中有講明工人離職時,僱主需要提供一張30 KG行李的機票。所以如果僱主未能提供有行李托運的機票而令工人未能離開,當地領事館有機會將該名僱主放入觀察名單,將來再請工人時可能會有影響。 亦有勞工處案例,因為僱主未能提供有行李托運的機票,工人最後未有離開已需要上勞工處調解,最後勞工處要求該雇主需要重新再提供一張有行李托運的機票。 所以如果你工人離職嘅時候,最好同工人溝通清楚機票時間,同埋最好都安排有行李托運的機票,以免因小失大。 https://hk.on.cc/hk/bkn/cnt/news/20190111/bkn-20190111165807195-0111_00822_001.html   #請工人 #僱傭 #外傭 #employmentagency #直聘外傭 #金寶僱傭#金寶Sir#金寶Sir提提你#外傭#女傭#工人姐姐#菲傭#印傭#請工人 #女傭中心#指定申請#海外菲傭 #employmentagency#directhire #processing

Read More »

女傭可否在外留宿?

金寶Sir提提你:女傭可否在外留宿? 呢個話題以前都有講過下,好似圖中僱主嘅女傭堅持要在外面留宿,其實有冇得解決呢? 我金寶Sir重新講多一次,香港嘅女女傭政策下女傭係「必須要留宿」。但因為勞工條例訂明七日內僱主要讓女僱有不少於二十四小時嘅休息日。所以圖中嘅女傭就以呢個理由同僱主爭辯,佢可以喺外面留宿。遇到呢個情況可以試下同個工人講佢嘅休息日其實係喺晚上12點正式開始,即係話其實佢最遲要係另一日晚上12點前就要返到屋企。如果唔係就超出24小時嘅休息時間,同埋違反咗外僱條例底下女傭必須要於僱主屋企留宿嘅逗留條件。 如果講到咁,工人都話要第二日早上返,咁都冇咩好再講啦。我相信呢位僱主請佢之前都有講明放假要點點返到屋企,不過有D工人做耐左又會識得同僱主講下數,如果工人企到咁硬做僱主都冇咩可做,及早換過一個把啦。

Read More »

金寶Sir 提提你 :長期服務金點樣計?

金寶Sir 提提你 :長期服務金點樣計? 金寶SIR好多時都被問及有關家庭傭工的長期服務金問題⋯⋯ 究竟僱主在什麼情況下需要付長期服務金?長期服務金又點樣計算? 首先,工人必需要連續受僱滿5年,並符合下列其中一項條件,就可以享有長期服務金。 1.被僱主解僱(但唔係因截員或者犯咗嚴重過失而被即時解僱) 2.合約期滿後不被續約 3. 在職期間死亡 4. 有註冊醫生或者註冊中醫發出指定嘅證明書,證明永久不適合擔任現時工作而辭職 5. 65歲或以上因年老而辭職 好啦咁又點樣去計長期服務金呢? 其實只要將姐姐嘅工資 x 2/3 x 服務年資。咁就得㗎啦!如果做左6年,最後人工係HKD5000,咁即係要俾 5100 x 2/3 x 6 =  20400。唔夠一年嘅服務年期就按比例計算。   好喇講咁耐考一考大家: 個案1),工人做咗四年,即係兩個合約。之後僱主同佢再續約,但係用多半年後就解僱左個工人,係咁嘅情況底下你估個僱主洗唔洗比長期服務金? 答:工人做咗四年,即係兩個合約。之後僱主同佢再續約,但係用多半年後就解僱左個工人。咁即係做左4年半,少過5年就緊係唔駛俾。按條例差一日都係唔駛俾。   個案2),工人做左5年,諗住做埋第6年完約唔續約就返鄉下照顧家人。個僱主就想繼續續約嘅。咁嘅情況你估又洗唔洗比長期服務金? 工人做左5年,諗住做埋第6年完約唔續約就返鄉下照顧家人。個僱主就想繼續續約嘅。咁嘅情況下,其實等同個工人自己唔做,又係唔駛俾。不過注意返,僱主最好有 black and white , 寫返你想同佢續約但係係佢自己唔想續,仲要係最少完約日前7日簽好   其實好多人,包括工人自己本身都唔知道係乜嘢情況底下有長期服務金。 首先,佢個工人一定要做夠5年,而且唔係你一做夠5年就有。你係一間公司度做左5年,會唔會問你老闆囉長期服務金? 所以我地建議僱主要好好同個工人解釋返咩係長期服金。   長期服務金點樣計?#請工人 #僱傭 #外傭 #直聘外傭 #金寶僱傭#金寶Sir#金寶Sir提提你#外傭#女傭#工人姐姐#菲傭#印傭#請工人 #女傭中心#指定申請#海外菲傭

Read More »

海外女傭申請要幾耐?

金寶Sir提提你:海外女傭申請要幾耐? 申請一個海外女傭需要幾多時間?普遍公司話要三個月時間,咁係咪真係要三個月咁耐? 金寶Sir同你仔細睇下: 1)菲律賓領事館合約(10個工作天) 2)印尼領事館合約(4個工作天) 3)入境處Visa官方指引會於4-6星期內批出。實際上開file 要兩星期(即係有Reference Number你可以上網check到你個case究竟係咩狀態) 4)開file後四星期左右出Visa(全部申請程序只有呢部分可以加快,稍後補充多幾句) 5)Visa 後3-5日寄到當地 6)菲律賓OEC最少五日 7)印尼KTKLN最少五日   以上時間如果計入境處Visa 需要6星期,菲律賓申請最低消費10個星期,印尼要9星期。(但實際上印尼工人申請要耐D,因為印尼訓練學校要幫工人做完銀行文件後先會放工人來,同埋印尼工人文件登記上網有時可以攪幾個星期。)計埋安排機票,如果3個月交到工人俾你,其實當中唔可以有任何甩漏。 再講返入境處開file 後,要加快申請就只有係追Visa 呢度落工夫。最快嘅方法當然係你入面識人,我地有啲客有一開File第二日就批Visa,明顯係朝中有人好辦事。如果以正常加快,一般可以加快2星期左右,有咩方法加快就有機會再講多D。 所以結論係如果個Agent 兩個半月比到工人你,你真係要讚下佢。三個月係真係一個合理時間。 #金寶僱傭 #金寶Sir #金寶Sir提提你

Read More »

Product categories